كــش مـــلـك

اوعديني تجين ... وحاولي ما تجين
... خلي الشوق يتمناك ما ياصلك

امنحيني حنانك واحرميني الحنين
.... واتركي لي مجال احن واشتاق لك

ابعدي عن عيوني جربي تختفين
.... لا تخلين كثرة طيبتك تقتلك

من يجي بالسهوله ما يسمى ثمين
.... ومن لقيته قبل يجيك ما يقبلك

ما اسهلك لا زعلتي كيف ما تزعلين
.... شفتي اشلون صرت اقول يا مسهلك

قلت لك لا تكوني مخلصه تندمين
.... ها ... لا يجي يوم وتقولين ما قلت لك

وش كسبتي من القلب الحنون الامين
.... وش خذيتي من اللي قال لك ما انبلك

حاولي تذرف عيونك ولو كذبتين
.... جربي تبذرين الكذب في مشتلك

احرقي هالقلوب وجربي تلعبين
.... في يدك قلعتين وخيل والجند لك

يا ذكيه تراها كلها نقلتين
.... انقلي ذي بدل ذي واصرخي كش ملك !





اسم القصيده وشاعرها :

" كش ملك "
للشاعر المميز والرائع / مساعد الشمراني
وتغنى بها ( علي بن محمد ) في شريطه الأخير
الذي صدر هذ الأسبوع