قصيدة للشاعر الشعبي العراقي فايق الكاطع حسن

قصيدة للشاعر الشعبي العراقي فايق الكاطع حسن


'انت واني..... وسر زماني
بصدفة قرر ننجمع
ومن لكيتك...... وابنظرتي
ابعيني صافحت الدمع
ردت اخبرك ....... عل الليالي
من كمرهن ...... حوته بين
چلبن ابخيط الشمع
يلي شوفك ..... يقرا خوفي
يقرا صوتي ......
يقرا بكتاب الاماني
واليضدني واليضدك يستمع
وردت اغادر هالهواجس
ماكو واهس
ماكو داعي للتنافس
من تصدني
تشمت ابساع الربع
من لهفتي ...... خوفي يكبر
وانسه روحي ...... لايروحي
ذاك انت وابغرورك
باقي وابنفس الطبع
وانتفضلك ...
ردت اجرب
فد حدث ينهي الترقب
ورد مكاني..... بيه ينعى
انتهى الشوك بقمع
خطوتي مسكينه وكفت
ردت اسالك
ليش وكفت
هم مثل حال القصيدة
نصها عندك تنمنع
وصدني خوفي
ماكدرت اوصف حروفي
مو لكيتك يل نسيتك
يل تخط بكتابي همك
لو نفذ هم ينطبع
وماصحتلي
نذرت العمر لاجلك ماصحتلي
وسعيت السما كلبك ماصحتلي
حبيبي الصحت باسمك ماصحتلي
باسمي ولاكلت خايب خطية