ما شفت مثلك مرتب و لا صاك

ماشفت مثلك مرتب و لا صاك
ياهو الخربطك بعدي و لا صاك
انا الما كاتل بدنياي و لا صاك
لجلك راح اصك بثنين ايديه


سكاني الدهر من فركاك بس مر
و اشهد ما شفت بدنياي بس مر
رمش العين افرشه بساط بس مر
ترد الروح من تسأل عليه


قلبي ما فرح عكبك و لا ســــــار
و جدمي ما خطى الغيرك ولا سار
اخبرك ما بقت كلمه ولا سر
ذبحني الشوك و الحب مو بديه


عراق انت و الك بالروح منصب
و على فركاك دمعي منصب
عسى موتي قريب و قبري من صب
و لا اسمع خبر عنك اذيه


انه الشديت جرحك ليش حليت
و على حله الطلاب حليت
ذكرتك بالمتحان و غلط حليت
شجاوبو انت شاغل حتى اديه

أريد أرحل ابضعن الشوق وحداوي
أوقلت هذا قراري أوياك وحداي
أريدك بس إلي خاص وحداي
مو عين الهاي أوعين إليه
انت الشمس وانت البدر منهل
وشفافك طعم العســـــل منهل
كلبي بس إلك ياتــــرف منهل
الورد من تمر ياخـذ لك تحيه
كل مغرم برت علتـــه وناله
سعيد اللي حضه بشخصك وناله
الطارش من سمع نوحـي وناله
ترك شغله وبجه رحمــه عليه